好多家長唔多唔少都會認為一對一教學比較好，因為將所有資源（老師的時間）集中投放到一個小朋友身上。今日的例子反其道而行，想講下小組教學又有咩好。
天天小朋友一直都是一對一上堂 。天天好聰明，而且上課好投入好享受課堂。有時上上下堂會用唱歌的方式答題，好搞鬼。直至今日多左一個插班嘅B小朋友。大家都係K3。天天已經做到小一下學期嘅題目。B小朋友較弱，加數仲需要數數手指，又加上第一日上新老師堂難免緊張，偶有答錯。
睇到尼到，大家或者不禁眉頭一皺：「咁咪會拖慢曬個進度囉，影響曬天天上堂的效率。」那亦不一定。老師為左令B小朋友融入課堂，邀請B小朋友答問題，並叫天天唔好提水。結果天天，主動mute左個咪！！！！之後答問題仲舉手🙋同一對一上堂嘅佢完全唔同。 而B小朋友，見到天天嘅舉動都好比心機學習嘗試作答，開始變得慢慢投入，很快就追上進度。
小朋友的學習有時這個課題我掌握得較好，下個課題你掌握得較好。我們會建議家長不必一定要追求秒秒鐘的跑在最前。相反，人生有更多技巧是終生性的，例如與人相處。特別現時疫情期間，小朋友的社交機會大大減少。藉著網上小組學習，我們會睇到小朋友不同的一面。佢地會互相學習，互相模仿，能夠學識點樣同他人相處，培養同理心，建立社交經驗。而這些軟技巧(soft skills)將為他們受用終生。
Comments